သားကကိုယ့်အသက်။သားရန်ကုန်မှာ
သင်တန်းတက်နေစဉ်ကပေါ့၊ငွေပြတ်သွားပြီတဲ့၊ညစာစားစရာပိုက်ဆံတောင်မရှိတော့ဘူးလို့ပြောသောအခါကိုယ့်မှာ
အတောင်ပံနှင်လေဟုန်စီးသွားရကောင်းမလား၊ပိုက်ဆံဘယ်လောက်ကုန်ကုန်ကား
တစ်စီးငှါး၍ချက်ချင်းလိုက်ပြေးချင်စိတ်
ဖြင့်ထူပူ၍ဖြစ်ဖူးသည်။
သား၏ဖုန်းကစက်ပိတ်ထားသည်ဟု
ဖြေလျင်ဆောက်တည်ရာမရ။ကမ္ဘာပျက်သလိုခံစားရသည်။
တစ်နေ့တစ်နေ့သားဆီကိုဖုန်းဆက်ရ
သည့်အကြိမ်ရေကမမှတ်မိလောက်အောင်များပြားလှသည်။
သားလှ၏မျက်နှာကိုစတင်မြင်ရစဉ်ကပင်ကြည့်မဝ၊လက်မှမချပါးပြင်များခွက်ဝင်သွားမတတ်နမ်းရှုံ့ရသည်ကအကြိမ်ကြိမ်။
နို့တိုက်ရင်းလည်းသား၏မျက်နှာကို
ငုံ၍ကြည့်လွန်းသဖြင့်ဇက်အကြောများပင်နာဖူးခဲ့သည်။
သားငယ်ငယ်ကအမေကိုသိပ်ချစ်ခဲ့သည်။အမေကမပေါင်းနဲ့ဆိုသောသူငယ်ချင်းကိုမပေါင်းပဲအမေစိတ်ကြိုက်နေခဲ့သည်။အမေစကားတစ်ခွန်းမြေဝယ်မကျနားထောင်ခဲ့သည့်သားကကိုးတန်းနှစ်သို့ရောက်သော်ပြန်ခံပြောတတ်လာစပြုလေပြီ။ကိုယ်သာအဆုံးမအသွန်သင်မတတ်ခဲ့လို့မှတ်ရပေမည်။တစ်နေ့မှာသမီးကပြောသည်"အမေ..ကိုကိုက..အမေ့အတွက်..ပဲကီးလှော်ဝယ်ခဲ့တယ်တဲ့"
"ပဲကြီးလှော် ကြီးကိုငါကဘာလုပ်ဖို့တုန်း
စားချင်ပေါင်"
"ပါးစပ်နဲ့စားရမှာမဟုတ်ဘူးနားနဲ့စားရမှာအမေရအဲ့သည်ကနားထောင်နေ
ဖွင့်ပြမယ်"🎵🎶🎵မယားအတွက်စိန်နားကပ် 🎵🎶အမေ့အတွက်ပဲကြီးလှော်😁🎶🎵
"တော်စမ်း...ပိတ်လိုက်..နားမထောင်ချင်ဘူး"
သမီးကတဟားဟားရယ်ပါတော့သည်။
ကိုယ့်မှာသာငိုရခက်ရယ်ရခက်။
သူကအဲ့သည်အချိန်ထည်းကကိုယ့်ကိုပဲကြီးလှော်ပဲကျွေးဖို့ကြံစည်ထားသူ။
ဖုန်းရဲ့ကွန်တက်မှာသားဖုန်းကိုအမေ့သားလို့ကွန်တက်ထည့်ထားတာကိုတွေ့သွားသောသမီးကသူ့ဘဘကြီး
ဆိုင်သို့ရောက်လာသောအခါ
"ဘဘကြီး..ဘဘကြီး..အမေကလေ
သူ့ဖုန်းထဲမှာသူ့သားကိုကွန်တက်ရေးတာအမေ့သားတဲ့"
အဖေက..
"အေးလေ..သူ့သားမို့..အမေ့သားလို့ရေးတာမှားသလားဟဲ့"
"မမှားဘူး..ဒါပေမယ့်..မမျှတဘူး..
သမီးကိုကျတော့ပွင့်မြတ်ဖြူတဲ့"
အဖေသည်ပြုံးစိစိလုပ်၏သူ့မြည်းမကို
စနောက်လိုသဖြင့်..
"အေးလေ..အဲ့ဒါလည်းမှန်သားပဲ..
နင့်နာမည်ကပွင့်မြတ်ဖြူပဲလေ.."
သမီးသည်ရှုံ့မဲ့သွားပြီးလျင်..
"သမီးကိုလည်းအမေ့သမီးလို့ရေးရမှာပေါ့ခုတော့သူကသူ့သားကိုပိုချစ်နေတာလေ..အဝေးမှာနေရင်အချစ်ခံရတယ်..တွေ့မယ်..စာမေးပွဲဖြေပြီးရင်ငါလည်းအလုပ်သွားလုပ်မယ်..သူ့အနားမနေဘူး"
ထိုသို့ပြောဆို၍သမီးကခြေစောင့်ကာထွက်သွားလေတော့သည်။
အဝေးသင်စာမေးပွဲတွေဖြေဆိုချိန်နီးပြီ
ဆိုတော့သားတော်မောင်အလုပ်မှခွင့်ယူကာပြန်လာသည့်ရက်ဝယ်..
"သားရေ..အမေ့ဆီကိုတမ်းလာနော်..
နင့်အဖေအိမ်ကိုအရင်မသွားနဲ့.."
သားကအင်း..အင်းဟုဖြေသဖြင့်ပြော
သည့်အတိုင်းဖြစ်မယ်အထင်ဖြင့်သားလာမည့်လမ်းကိုမျှော်ငေးနေခဲ့သည်။
ဖုန်းဆက်သည်ဘယ်နေရာရောက်ပြီလဲ
ဖုန်းဆက်သည်ပစ္စည်းတွေသေချာဂရုစိုက်ဖို့ဖုန်းအတွင်တွင်ဆက်သည့်ကြားမှ
သားလှသားတော်မောင်ကအမေဆီသို့
အချိန်တန်ရောက်မလာ..သူ့ရည်းစားရှိရာသိုချော်တောငေါ၍အလျင်ဦးစွာသွား
တွေ့လေ၏။ဤသည်ကိုကြိတ်မနိုင်ခဲမရဖြစ်သောကိုယ်ကသားတော်မောင်ရောက်လာသော်
"ကြည့်စမ်းကြည့်စမ်း..မအေကသည်လောက်ဖုန်းဆက်ပြီးမအေဆီတွင်တွင်လာဖို့ပြောနေတာကို နင်ကရည်းစားဆီအလျင်သွားတယ်
ငါနင့်ကိုစိတ်နာတယ်သိလား"ဟုအငိုတပိုင်းနှင့်ပြောသောအခါသားကတဖက်သို့မျက်နှာလွှဲလေ၏။အဖေကတော့
ရယ်စရာကဲ့သို့ပုံမှာထား၍
"ဟဲ့..သူ့ရည်းစားမျက်နှာနဲ့နင့်မျက်နှာကတူလို့လား..ဟိုကမျက်နှာကအမောပြေလို့ဟိုကိုသွားတာနေမှာပေါ့တဲ့"
ဟုတ်ပါတယ်အမေကတော့သားတို့ရုပ်ရည်သီတာမြည်သော်လည်းသားတော်မောင်ကတော့အမေ့မျက်နှာမှာအမောမပြေသည်။
ညအခါဝယ်ထွားကြိုင်းလှသောသားကို
တစ်နှစ်ကြာမှာတစ်ခါသာတွေ့ရသောသားကိုအမေ့ညာလက်တွင်ခေါင်းတင်စေ၍ပွေ့ဖက်ကာအိပ်သည်တွင်သား၏ခန္ဓာက်ုစေ့ငုစွာကြည့်လျက်
သားငယ်ငယ်လသားအရွယ်အမေ့လက်ကိုခေါင်းအုန်း၍အမေ့နို့ရည်ကိုစို့ရင်းအိပ်စဉ်ကသားခန္ဓာသေးသေးသည်အမေ့ရင်ခွင်၌လုံလောက်စွာအမေ့သားကိုအမေပိုင်ခဲ့သည်။
ယခုသော်..
သား၏ခန္ဓာဖွံဖွံ့ထွားကဖက်ထားသောအမေ့လက်သည်မမှိမကန်းဖြစ်ရသလိုလုံလောက်သောအမေ့၏ပိုင်ဆိုင်ခြင်းတို့သည်လည်းပဲ့ကြွေကျခြင်းများဖြင့်
သားတော်မောင်အားတိုး၍ဖက်ကာအိပ်၍ပျော်အောင်ကြိုးစားရင်းအိပ်စက်ရပါတော့သည်တကား။ ။
စောနေခြည်